House panel, naglaan ng isang milyong pisong reward kapalit ng impormasyon tungkol kay ‘Mary Grace Piattos’

Naglaan ang House Committee on Good Government and Public Accountability ng isang milyong pisong pabuya kapalit ng impormasyon tungkol kay “Mary Grace Piattos” na naka-pirma sa karamihan ng acknowledgement receipts para sa confidential funds ng mga opisina na nasa ilalim ni Vice President Sara Duterte.

Ginawa ni Zambales Rep. Jeff Khonghun, Vice Chairman ng komite, ang anunsyo, makaraang tawagin ni Vice President Sara Duterte na politically motivated, sa halip na in aid of legislation, ang ginagawang pagbusisi ng Kamara sa budget ng Office of the Vice President (OVP) at sa pinamunuan niyang Department of Education (DepEd).