Higit 50,000 na pulis, ipakakalat sa isasagawang mga Kilos Protesta sa Sept. 21

MAGDE-DEPLOY ng mahigit 50,000 na tauhan ang Philippine National Police para sa mga isasagawang pagtitipon sa September 21.

Ayon kay Department of the Interior and Local Government Secretary Jonvic Remulla, ang mga ide-deploy ay aatasang tiyakin ang police visibility, maging bahagi ng standby units, tumulong sa pag-mando ng traffic, magtalaga ng checkpoints, at border control.

Sinabi ni Remulla na trabaho ng PNP na tiyaking walang magaganap na kaguluhan sa mga pagtitipon. 

Ani Remulla, hindi pipigilan ng mga pulis ang isasagawang protesta dahil pinapayagan naman ang ganitong uri ng pagtitipon basta’t may karampatang permit.