Higit 300 Pinoy mula Saudi Arabia at Bahrain, nakauwi na sa bansa; umuwing OFWs galing Middle East, pwede nang mag-loan sa OFW Negosyo Fund

LULAN ng ikalawang chartered flight ng pamahalaan ay ligtas na nakauwi sa bansa ang three hundred forty-three na Pinoy galing Saudi Arabia at Bahrain.

Sa mga nakauwing Pinoy, three hundred twenty-eight ang mga Overseas Filipino Worker at labingtatlo ang mga bata.

Sinalubong sila ng mga kinatawan ng Department of Migrant Workers, Overseas Workers Welfare Administration, Department of Health, at Department of Social Welfare and Development.

Ang mga umuwing Pinoy ay agad na pinagkalooban ng tulong, kabilang ang hotel accommodation, medical check-up, pagkain at transportasyon pauwi sa kanilang mga probinsya.

Makatatanggap din ang mga OFW ng tulong pinansyal.

Samantala, maaari nang mag-apply ng loan via online ang mga Overseas Filipino Workers na umuwi sa bansa matapos maapektuhan ng krisis sa Middle East.