Heavy equipment mula sa World Bank, hindi ginamit ng DPWH simula 2018 – PBBM

Sa kanyang pag-iinspeksyon sa isang creek sa Parañaque City, sinabi ni Marcos na pinull-out ang heavy equipment mula sa mga garahe ng DPWH upang makatulong sa kasalukuyang anti-flood program ng pamahalaan na tinawag na greater metro manila waterways clearing and cleaning operations.

Aniya, kung mapapansin ay medyo bago pa ang mga makinarya dahil pitong taon itong nakatengga sa warehouse at hindi kailanman nagamit dahil kailangang itago para sa “The Big One.” Idinadagdag ng pangulo na tila ito na ang “The Big One” pagdating sa pagbaha, kaya inilabas at gagamitin na ang lahat ng heavy equipment.