Habang naghahanda ang bansa sa posibleng pananalasa ng Tropical Storm Fung-Wong (na papangalanang Uwan sa Pilipinas), tiniyak ng Philippine National Police (PNP) na handa ang buong hanay na tumulong sa mga operasyon ng paglikas at pagtugon sa sakuna, lalo na sa mga lugar na inaasahang maaapektuhan sa darating na weekend.
Alinsunod sa direktiba ni Pangulong Bongbong Marcos at sa patnubay ng DILG, nakikipag-ugnayan ang PNP sa mga lokal na pamahalaan at ahensiya ng pamahalaan upang tiyakin ang kaligtasan ng mga mamamayan.
Sama-samang Paghahanda para sa Kaligtasan
Ipinag-utos ni Acting PNP Chief Police Lieutenant General Jose Melencio C. Nartatez Jr. ang paglalagay sa lahat ng yunit ng PNP sa full alert status at ang pakikipagtulungan sa mga lokal na opisyal sa pagpapatupad ng preemptive at kung kinakailangan, mandatory evacuations.
Ayon sa kanya, nakikipag-ugnayan na ang mga tauhan ng PNP sa mga LGU at disaster response teams upang matiyak na ang mga pamilyang naninirahan sa mga delikadong lugar ay mailikas nang maaga. Tutulong din ang PNP sa pagpapanatili ng kaayusan, pagbabantay sa mga mahahalagang pasilidad, at pagsigurong ligtas ang mga daanan at evacuation centers.
Binibigyang-pansin ng PNP ang mga rehiyon sa Hilaga at Gitnang Luzon, kung saan inaasahan ang malalakas na ulan at hangin kapag tuluyang pumasok sa Philippine Area of Responsibility ang bagyo.
24-Oras na Pagtugon
