Halos 500K Food Packs naipadala na sa mga LGU; RORO, Cargo Fees at Toll libre na para sa Emergency Responders at sasakyang maghahatid ng Relief

HALOS kalahating milyon na karagdagang Family Food Packs ang naipamahagi na ng Department of Social Welfare and Development sa iba’t ibang mga rehiyon sa bansa. 

Ayon sa DSWD, malaking bulto ng Food Packs ang ipinadala sa mga LGU sa Central Visayas, Western Visayas, Caraga, at Eastern Visayas.

Mahigit fourteen thousand din na Ready-To-Eat Food Boxes ang ipinamahagi sa siyam na rehiyon sa bansa para maipamigay sa mga pasaherong Stranded sa mga pantalan.

Samantala, hindi na maniningil ang Philippine Ports Authority o PPA ng RORO Terminal Fee sa mga sasakyang maghahatid ng Rescue Equipment at Relief Goods para sa mga maaapektuhan ng bagyo.