TINAYA sa 9.8 Million Pesos ang halaga ng mahigit dalawandaang master cases ng smuggled na sigarilyo na nasabat ng Bureau of Customs (BOC) sa Port of Davao.
Ayon sa BOC, natagpuan ang mga sigarilyo na itinago sa blue crates at personal effects sa loob ng isang truck sa checkpoint, sa isang pangunahing kalsada patungong Davao City.
Nadiskubre ng mga awtoridad ang 251 cases na mayroong 50 reams ng sigarilyo ang bawat isa.
Ang operasyon ay sanib pwersang ipinatupad ng Enforcement Security Office ng BOC Port of Davao at Task Force Toril sa ilalim ng Task Force Davao.