Court of Appeals, naglabas ng freeze order laban sa bank accounts at properties ni Pastor Apollo Quiboloy at ng Kingdom Of Jesus Christ

NAGLABAS ang Court of Appeals (CA) ng freeze order laban sa sampung bank accounts, pitong real properties, limang sasakyan, at isang aircraft ni Kingdom Of Jesus Christ (KOJC) Leader Pastor Apollo Quiboloy.

Kinatigan ng CA ang Petition for Freeze Order na inihain ng Anti-Money Laundering Council (AMLC) laban sa properties ni Quiboloy at ng KOJC, pati na ng iba pang mga indibidwal.

Saklaw ng naturang kautusan na may petsang Aug. 6, 2024, ang 47 bank accounts, 16 real properties at labing anim na sasakyan na nasa ilalim ng KOJC.