NAGPAALALA ang Department of Social Welfare and Development sa mga tricycle driver na huwag dumagsa sa mga payout centers lalo na kung hindi pa naman sila naka-schedule.
Sa kaniyang Facebook Live, sinagot ni DSWD Secretary Rex Gatchalian ang katanungan ng mga driver ng tricycle para sa pormal na pagsisimula ng payout ng cash assistance ngayong araw.
ALSO READ:
Ayon kay Gatchalian, may schedule na inilabas o ibinigay ang mga lokal na pamahalaan para sa pamamahagi ng payout.
Layunin nitong hindi sabay-sabay na dumagsa sa mga payout center ang mga driver na posibleng magresulta sa pagkaparalisa ng biyahe at perwisyo sa mga pasahero.
