Guiuan Municipal Mayor Annaliza Gonzales-Kwan, Nangakong paiigtingin pa ang pagsisilbi sa huling termino

Nangakong mas paiigtingin pa ni Guiuan Municipal Mayor Annaliza P. Gonzales-Kwan ang kanyang serbisyo sa kanyang huling termino sa ginanap na Inauguration & Oath Taking Ceremony of Newly Elected Public Official sa Guiuan sa Eastern Samar, July 1, 2025.

“I will be working as your mayor with the best of all I have because this is what you deserve. The people of Guiuan deserve no less,” saad ni Mayor Kwan.

Ang panunumpa ni Mayor Kwan ay pinangunahan ni 4Ps Party-list Representative Hon. Marcelino “Nonoy” Libanan.

Sa kanyang talumpati, taos-pusong nagpasalamat ang alkalde sa kanyang mga kababayan sa patuloy na pagtitiwala at pagmamahal, at sa walang-sawang suporta sa kanyang grupo, ang Team Padayon at Team Solido Para Progreso. 

Mula nang una siyang maluklok bilang municipal mayor noong 2004, binigyang-diin ng alkalde na ang lahat ng tagumpay ng kanyang administrasyon ay bunga ng pagkakaisa at sama-samang pagkilos ng mga Guiuananon.

Hinimok niya ang lahat na kalimutan na ang pulitika at sa halip ay pagtulungan ang pagsasakatuparan ng mga plano para sa bayan.

“Human na an piniliay, human na an pagburublagay, panahon na hin pagkaurusa. Ngahaw base an aton mga hingyap para han aton mg anak, para han aton bungto nga Guiuan in magkatutuman.”

Ipinagmalaki rin ni Mayor Gonzales-Kwan ang mga kasalukuyan at nakatakdang proyekto ng LGU kabilang ang pagpapaayos ng pampublikong sementeryo, pantalan, at municipal wharf.