Nakatanggap ng parangal bilang kampeon sa 1st PD’s Cup 2024 Shooting Competition – Individual Category ang isang PNCO ng Gandara MPS dahil sa kanyang ipinakitang galing at liksi sa ginanap na kompetisyon noong Setyembre 6 sa Camp Lukban Firing Range, Catbalogan, Samar.
Natanggap ni Police Senior Master Sergeant Jed Brozas ang parangal sa pamamagitan ng ginanap na Awarding Ceremony kaninang umaga sa Samar PPO na pinangunahan ni Provincial Director Antonietto Eric Mendoza.
Napag-alaman na ang patimpalak ay regular na ginagawa ng Philippine National Police para madadagdagan ang kanilang kasanayan sa paghawak ng armas. Lahat ng istasyon ng pulisya ay inaanyayahan na lumahok para magsanay, at ang kompetisyon ay pinangungunahan ng provincial o regional offices.
Sa panayam kay PSMS Brozas, nagpaabot ito ng kanyang pasasalamat sa kanyang hepe na si Police Major Jonathan Camacho, sa kanyang mga kasamahang pulis at kay Gandara Mayor Warren Aguilar sa suportang ibinigay nito para sa Gandara Shooters.
