PINATUNAYAN ng kauna-unahang grand master sa asya na si Eugene Torre na siya pa rin ang hari nang dominahin ang 2023 Guam International Open Chess Tournament na ginanap sa Dusit Beach Resort sa Tumon, Guam.
Tinapos ng 71-year old na grand master ang torneyo nang undefeated kung saan isa-isa nitong tinalo ang siyam na kalaban sa siyam na laro na inorganisa ng Guam Chess Federation.
Sinabi ni Torre na ang kanyang tagumpay ay iniaalay niya sa kanyang mga kapwa pilipino.
Nakamit ni Torre ang titulong grand master makaraang manalo ng silver medal sa 1974 World Chess Olympiad sa Nice, France sa edad na bente dos.
Iniluklok siya sa World Chess Hall of Fame noong october 2022.
