Freedom of Navigation sa South China Sea at Arabian Sea, binigyang diin ni PBBM sa ASEAN-Gulf Cooperation Council Summit

BINIGYANG diin ni Pangulong Ferdinand Marcos Jr. na kailangang matiyak ang Freedom of Navigation upang magarantiyahan ang daloy ng komersyo sa South China Sea at Arabian Sea.

Sa 2nd Association of Southeast Asian Nations (ASEAN) – Gulf Cooperation Council (gcc) Summit, sinabi ng pangulo na saklaw ng South China Sea at Arabian Sea ang mahahalagang seabeds na nagsisilbing lifeline para sa regional at international commerce sa dalawang rehiyon.