Maling paggamit ng Social Media, Artificial Intelligence, at Internet, ipagbabawal ng Comelec sa 2025 Elections

SISIMULAN na ng Comelec ang pag-regulate at pagbabawal sa maling paggamit ng social media, Artificial Intelligence (AI), at internet para sa 2025 National and Local Elections at Bangsamoro Polls.

Alinsunod sa resolusyon, nagtakda ang Comelec En Banc ng guidelines para sa paggamit, pagbabawal, at pagpaparusa sa maling paggamit ng teknolohiya sa digital campaigning para sa dalawang nabanggit na halalan sa susunod na taon.

Ang task force sa Katotohanan, Katapatan, at Katarungan (KKK) sa halalan, na pinamumunuan ng Comelec Education and Information Department (EID), ang mangangasiwa sa implementasyon ng election campaigning rules, at magmo-monitor, magde-detect at tatanggap ng reports ng sinasabing misuse.