Fil-Am comedian na si Jo Koy, nagpa-tattoo kay Apo Whang Od

NAGPA-tattoo ang Filipino-American comedian na si Jo Koy sa Filipino legend na si Apo Whang Od sa Buscalan, Kalinga.

Ibinahagi ng komedyante sa Instagram ang Signature Three Dots ni Apo Whang Od sa kanyang kanang braso, malapit sa kanyang kamay.

Binigyan din niya ito ng hoodie mula sa kanyang “Just Being Koy Tour.”

Pebrero ng nakaraang taon nang parangalan ni Pangulong Ferdinand Marcos Jr. si Apo Whang Od dahil sa kontribusyon nito sa Philippine Traditional Arts.