ISINUGOD si Fifth Solomon sa emergency room matapos dumanas ng mental breakdown, na ayon sa kanya, ay dulot ng Online Bullying.
Sa health update na ipinost ng actor-director sa Facebook, sinabi nito na okay na siya at kasama niya sa ER ang kanyang sister balitang ina, na komedyanteng si Chariz Solomon.
Bago ang post ni Fifth ay sinagot niya ang mga pamba-bash na natatanggap niya sa online.
Tinawag siya ng mga basher na retokada, flop, baliw, at kung anu-ano pa, subalit hindi siya mapapabagsak ng mga ito dahil kilala niya kung sino siya at kung ano ang kanyang halaga.
Nakilala si Fifth noong 2014 matapos sumali sa reality show na “Pinoy Big Brother.”
