INANUNSYO ng Pasig City Local Government na pansamantalang bubuksan simula ngayong Lunes sa two-way traffic para sa ilang partikular na behikulo at pedestrians ang F. Manalo Bridge na kamakailan lamang ay nasira.
Ayon sa lokal na pamahalaan, bubuksan ang tulay simula ala sais ng umaga hanggang alas dose ng hatinggabi para sa two-way traffic, sa mga tricycle, motorsiklo, bisikleta, e-bikes, at pedestrians.
Pinapayagan din ang pagdaan sa tulay ng mga ambulansya na may emergency calls at e-trikes na may bigat na hindi lalagpas sa 1,000 kilograms.
Ang F. Manalo Bridge sa Barangay Manggahan ay nasira noong Hulyo sa kasagsagan ng epekto ng habagat na pinaigting ng Super Typhoon Carina.
