INAKUSAHAN ng Disc Jockey na si Jellie Aw ang kanyang fiancé na si Jam Ignacio ng pambubugbog, nang ibahagi nito ang kanyang larawan na namamaga ang mukha at may mga sugat sa social media.
Ginawa ni Jellie ang akusasyon laban kay Ignacio, ex-boyfriend ng actress-TV host na si Karla Estrada, sa pamamagitan ng kanyang facebook page, kahapon.
Sa caption, minura ng DJ ang kanyang fiancé at sinabing mapapatay siya nito, kasabay ng banta na ipakukulong niya ito.
Sa kanya namang Instagram stories, ipinakita ni Jellie ang pagpunta niya sa ospital matapos ang umano’y pagbubugbog ng kasintahan.
Ayon naman sa kapatid ni Jellie na si Jo, sinaktan ni Ignacio ang kanyang ate habang nasa loob ng kanilang kotse, at nakahingi ito ng tulong sa teller sa toll gate.
