MAHIGIT dalawandaang katao ang pinaniniwalaang nasawi makaraang bumagsak ang isang eroplano na patungong London, ilang sandali matapos mag-take off mula sa airport sa Ahmedabad City sa India.
Hindi pa tiyak ang eksaktong bilang ng casualties mula sa bumagsak na Air India Plane na may lulang dalawandaan apatnapu’t dalawang mga pasahero at crew members.
Sa statement mula sa Air India, mula sa 242 na sakay ng kanilang eroplano, 169 ay Indian Nationals habang 53 ang British Nationals.
Mayroon ding pitong Portuguese at isang Canadian National.
