KABUUANG dalawampu’t siyam na miyembro ng Kingdom of Jesus Christ (KOJC) ang nahaharap sa mga reklamo matapos masaktan ang animnapung pulis na nagpapatupad ng arrest warrants laban kay Pastor Apollo Quiboloy.
Sa press conference, sinabi ni Police Regional Office (PRO 11) Spokesperson, Police Major Catherine Del Rey, na sinampahan ang KOJC members ng mga kasong obstruction of justice at direct assault.
Aniya, ang iba sa mga kinasuhan ay nasa Davao City Police Office Custodial Facility at nagpo-proseso na ng kanilang piyansa.
Inihayag ni Del Rey na animnapung pulis ang nasaktan sa police operation at sa ngayon ay nagpapagaling na sa mga tinamong injuries habang mayroong dalawang miyembro ng KOJC na nasaktan din sa naturang operasyon.
