ES Recto, ibinunyag ang ilang ulit na tangkang panunuhol sa kaniya ni Rep. leviste

MAY hangganan din ang pagtitimpi.

Ito ang pahayag ni Executive Secretary Ralph Recto matapos magpasya nang sagutin ang sunud-sunod na paratang at pasabog laban sa kaniya ni Batangas Rep. Leandro Leviste. 

Ayon kay Recto, sa dami ng pagsubok na kinakaharap ng bansa, ayaw na sana niyang patulan ang mga kasinungalingan ng isang tinawag niyang “kulang sa pansin”, “kulang sa pag-iisip”, at “kulang sa pagmamahal”.

Ibinunyag ni Recto na sa unang pagkikita pa lang nila ni Leviste, may nakahanda na itong 400 million pesos at pinakiusapan siyang suhulan ang mga kalaban niya sa pulitika upang umatras sa kampanya, subalit si Recto ay tumanggi rito.

At sa sumunod na linggo, muling nag-alok si Leviste ng one billion pesos para umatras sa kandidatura si Governor Vilma Santos dahil nais humalili ni Leviste na muli rin nilang tinanggihan.