IKINU-konsidera ng Department of Transportation (DOTr) na baliktarin ang direksyon ng EDSA Bus Carousel upang ang busway ay maging mas eksklusibo lamang sa mga pampublikong bus.
Ang naturang plano ay nangangahulugan na ang Northbound Buses ay ililipat sa Southbound Lane sa halip na dumaan sa EDSA kasama ng ibang mga sasakyan na patungong norte.
Paliwanag ni Transportation Secretary Jaime Bautista, ito ay para exclusive lang ang busway sa mga bus, at ang pintuan ay nasa kanang bahagi kaya mayroon din aniyang safety considerations.
Sinabi ng Department of Transportation na pinag-uusapan na nila ang plano kasama ang mga kumpanya ng bus na nag-o-operate sa kahabaan ng busway.
Target ng DOTr na maisapinal ang desisyon bago matapos ang 2024.
