Ginseguro san Department of Labor and Employment (DOLE) nga waray natatabo nga pag-doble san mga beneficiaries san Tulong Panghanapbuhay sa Ating Disadvantaged Workers Program (TUPAD).
Iginpahayag ni Atty. Cecilio Baleña, mediator-arbiter san DOLE Regional Office 8 nga antis umabot sa ira opisina an lista san mga beneficiaries, ginkikita anay ine sa LGU agud masabutan kun mayda duplication.
Gintagan sin duon ni Atty. Baleña nga kun nag doble an paghatag, kinahanglan nga ig-reimburse ine balik sa gobyerno.
Yana nga tuig, an DOLE in may naka-alotaga nga P1.9 billion para san TUPAD Program.
Tubtob san Agosto 2024, may-ada na P754 million an naihatag sa mga TUPAD beneficiaries dinhe sa Eastern Visayas.
