NAKABALIK na sa bansa si dismissed Bamban, Tarlac Mayor Alice Guo, kaninang ala una ng madaling araw, matapos maaresto sa Indonesia noong Miyerkules.
Si Guo ay sinundo sa Indonesia ng Top-Level Philippine Delegation sa pangunguna nina Interior and Local Government Secretary Benhur Abalos at PNP Chief Police General Rommel Francisco Marbil.
Kasama rin nila ang mga opisyal mula sa National Bureau of Investigation, Bureau of Immigration at iba pang government agencies.
Ayon kay PNP Spokesperson, Police Colonel Jean Fajardo, sakay ang delegasyon ng chartered flight mula Indonesia, at lumapag sa Royal Star Aviation Hangar sa Pasay City.