Diri na gagamiton an mother tongue komo medium of instruction tikang sa Kindergarten tubtob Grade 3.
Ine mahuman magin hul-os nga balaud an Republic Act No. 12027 kun diin ibabalik an Filipino ngan English komo panguna nga mga medium of instructions sa mga eskwelahan.
Sa ginbuhat nga Kapihan sa Bagong Pilipinas, iginpahayag ni Department of Education o’ DepEd Regional Director Evelyn Fetalvero, nga an regional languages sugad san Winaray ngan Bisaya in pwede pa gihapon magamit komo ayuda san magturutdo agud maintindihan san estudyante an ira mga leksyon.
Iginsumat pa ni Director Fetalvero nga pwede gihapon magkamay-ada monolingual classes kun diin an mga estudyante in nagamit sin usa nga common language basta may ada magturotdo nga trained sa mother tongue.
Ginhuhulat pa san DepEd an Implementing Rules and Regulations o’ IRR agud hul-os nga maipatuman ine nga balaud.
