15 February 2025
Calbayog City
National

DepEd, pinaalalahanan ang mga paaralan na sumunod sa “No Collection Policy”

deped no collection policy

Mahigpit ang paalala ng Department of Education (DepEd) sa mga paaralan na sundin ang “no collection policy”.

Sa ilalim ng Memorandum 41 series of 2024, iginiit ng ahensya ang “no collection policy” na nangangahulugang walang dapat na sinisingil sa mga estudyante at guro sa lahat ng elementary at secondary schools sa panahon ng enrollment period at sa buong school year.

Paalala ni Education Secretary Sonny Angara, bawal ang pagbebenta ng mga tiket o pagkulekta ng contributions.

Hindi naman sakop ng polisiya ang membership fees para sa Red Cross, Girl Scouts of the Philippines, at Boy Scouts of the Philippines.

Pinapayagan din kung magbibigay ng kontribusyon ang mga magulang at iba pang stakehokders para suportahan ang mga barrio high schools.

donna cargullo
A passionate Mom of Three Kids, A Hands-on Loving Wife to Junmar. A top caliber News Producer who worked previously from Different News Organizations based in Manila like Radyo Inquirer & RMN Manila. Currently one of the producers of BuenaMano Balita & at the same time the Chief Correspondent of IR Calbayog.