LUMOBO na sa dalawampu’t apat ang bilang ng mga nasawi sa wildfires sa Southeastern Region ng South Korea.
Kabilang sa nasawi ang piloto ng isang firefighting helicopter matapos mag-crash ang aircraft.
Ayon sa South Korean Government, mabilis na kumalat ang wildfires dahilan para lisanin ng mahigit dalawampu’t pitunlibo katao ang kanilang mga tahanan.
Inihayag ni Acting President Han Duck-Soo na idineploy na nila ang lahat ng available personnel at equipment para apulahin ang wildfires subalit talagang hindi maganda ang sitwasyon.
