Deadline sa paghahain ng Income Tax Return, pinalawig ni PBBM

INIANUNSYO ni Pangulong Ferdinand Marcos Jr. ang pagpapalawig sa paghahain ng Annual Income Tax Returns sa loob ng isang buwan.

Sa post sa kaniyang social media, sinabi ng pangulo na mula sa orihinal na schedule ng deadline na April 15, ginawa na itong hanggang May 15, 2026.

Ito ay para mabigyan aniya ng pagkakataon ang bawat taxpayer na makapag-file ng maayos, kasama ang lahat ng kailangang dokumento, at walang ipapataw na penalties.

Ayon sa pangulo, maaaring i-file ang ITR at maaari ding magbayad sa pamamagitan ng BIR electronic platforms, o sa mga Authorized Agent Banks.