NAARESTO ng mga awtoridad si dating Police Major Allan De Castro at driver nito, kaugnay ng pagkawala ng beauty pageant contestant na si Catherine Camilon, sa Balayan, Batangas.
Ayon sa Police Regional Office 4A, nasakote si De Castro, sa Barangay Caloocan, pati na ang driver-bodyguard nito na si Jeffrey Magpantay.
Nahaharap ang dalawang suspek sa kasong Kidnapping and serious illegal detention bunsod ng umano’y pagkakasangkot sa pagkawala ng beauty queen noong 2023.
Sinasabing may relasyon sina De Castro at Camilon bago napaulat na nawawala ang biktima.
