BINISITA ni dating Pangulong Rodrigo Duterte ang burol ng mga biktima ng landslides, sa Barangay Sampaloc, Talisay, Batangas, isang araw matapos itong humarap sa pagdinig ng senado sa drug war.
Sa mga litratong ibinahagi ng Office of the Vice President (OVP), makikita ang pakikiramay ng dating pangulo sa mga pamilya ng mga nasawi sa pananalasa ng bagyong Kristine.
Kasama ni dating Pangulong Duterte sa naturang pagbisita ang team mula sa special projects division at public assistance division ng OVP, na nagbigay ng burial assistance sa mga apektadong pamilya.
Nagtungo rin ang dating chief executive, sa relief operations ng OVP disaster operation center sa evacuation centers sa mga bayan ng Talisay at Laurel.
