ITINAAS ni Pangulong Ferdinand Marcos Jr. ang subsistence allowance ng mga opisyal at enlisted personnel ng Armed Forces of the Philippines (AFP).
Ayon sa Presidential Communications Office, nilagdaan ni Pangulong Marcos ang Executive Order 84, na nagtataas sa daily subsistence allowance ng uniformed personnel sa 350 pesos mula sa 150 pesos.
Ang naturang increase sa allowance ay retroactive, simula January 1, ngayong taon.
Nakasaad sa order na ang kasalukuyang AFP subsistence allowance na huling inadjust noong 2015 ay hindi na sapat para masuportahan ang pang-araw-araw na pangangailangan ng aktibong sundalo.
