INAPRUBAHAN ng Department of Agriculture (DA) ang kahilingan ng Department of Social Welfare and Development (DSWD) na mag-suplay ito ng 490,000 na sako ng bigas mula ngayong buwan ng Hunyo hanggang Disyembre.
Ito ay para makatulong sa Disaster Response at Feeding Programs ng DSWD.
Nagpasalamat si Social Welfare Secretary Rex Gatchalian kay Agriculture Secretary Francisco P. Tiu Laurel Jr. sa pag-apruba sa kahilingan lalo at napakahalaga ng Rice Allocation para masuportahan ang libu-libong At-risk Filipinos.
Sinabi ni Gatchalian na para magpatuloy ang operasyon ng Repacking Hubs ng DSWD sa Pasay at Cebu, kinakailangan nila ng 35,000 na sako ng bigas kada buwan.
Sa panig ng DA, sinabi ni Secretary Tiu Laurel na makatutulong naman ito para mapaluwag ang kanilang warehouse.
Sa ganitong paraan ay makakabili sila ng mas maraming palay mula sa mga local na magsasaka.
Sa ngayon kasi lagpas na sa 8 million na sako ang stocks ng bigas ng NFA at malapit na sa full capacity ng kanilang mga warehouse.
