ITINANGGI ng China ang napaulat na tumanggap sila ng request for asylum mula kay Dating Pangulong Rodrigo Duterte at sa pamilya nito.
Sinabi ni Chinese Foreign Ministry Spokesperson Guo Jiakun, na ang pagbisita kamakailan ni Duterte sa Hong Kong ay isang private matter.
Aniya, wala silang natanggap kailanman na aplikasyon mula sa dating pangulo at sa pamilya nito para humiling ng asylum sa Chinese government.
March 7 nang magtungo sa Hong Kong si Duterte para dumalo sa event ng Overseas Filipino Workers.
Sa kaparehong araw ay inilabas ng Pre-Trial Chamber I ng International Criminal Court ang warrant of arrest laban sa dating pangulo.
Inaresto si Duterte noong March 11 sa Ninoy Aquino International Airport pagdating niya sa bansa mula sa Hong Kong.
