ISANG panalo na lang ang kailangan ng Boston Celtics para masungkit ang NBA Championship.
Muling pinadapa ng Celtics ang Dallas Mavericks sa score na 106-99, para maitala ang 3-0 sa kanilang Best-of-Seven Championship Series, kahapon, sa American Airlines Center sa Texas.
Pinangunahan nina Jayson Tatum at Jaylen Brown ang boston sa pamamagitan ng kanilang 31 at 30 points.
Sakaling palaring manalo, ito ang magiging unang titulo ng Celtics mula noong 2008 at ika-labing walo sa overall, at babasag sa kanilang tie sa Los Angeles Lakers.
