Carlos Alcaraz, wagi sa ika-2 pagkakataon sa US Open matapos padapain sa Finals si Jannik Sinner

PINADAPA ni Spanish Tennis Player Carlos Alcaraz si Jannik Sinner ng Italy sa pamamagitan ng four Sets, para makamit ang kampeonato sa US Open.

Napasakamay ng bente dos anyos na si Alcaraz ang kanyang ikalawang US Open Title at ika-anim na Grand Slam Title, sa score na 6-2, 3-6, 6-1, 6-4, bilang pambawi sa nag-iisang talo nito sa isang Major Final laban kay Sinner sa Wimbledon noong Hulyo.