NIYANIG ng magnitude 5 na lindol ang bayan ng Calatagan sa Batangas, ala singko bente singko ng hapon, kahapon.
Natunton ng PHIVOLCS ang epicenter ng lindol, dalawampu’t dalawang kilometro timog kanluran ng Calatagan, at may lalim na isandaan tatlumpu’t tatlong kilometro.
Naramdaman ang intensity II sa Paluan, Mamburao, at Santa Cruz sa Occidental Mindoro.
Naitala rin ang instrumental intensity II sa Mamburao at Calatagan habang instrumental intensity I sa Abra De Ilog sa Occidental Mindoro; Calapan City, Oriental Mindoro; Magallanes, Camona at Tagaytay City sa Cavite; at Abucay, Bataan.
Ayon sa PHIVOLCS, wala namang naitalang pinsala dulot ng lindol na tectonic in origin, bagaman posible ang aftershocks.
