Kampo ni Alice Guo, nagpasaklolo sa Supreme Court para itigil ang pagpapatawag ng Senado sa suspendidong alkalde

DUMULOG sa korte suprema ang mga abogado ni suspended Bamban, Tarlac Mayor Alice Guo para maghain ng petition for certiorari.

Ito ay upang harangin ang mga imbitasyon at subpoena ng Senate Committee on Women, Children, Family Relations and Gender Equality.

Respondent sa naturang petisyon si Committee Chairperson, Senator Risa Hontiveros, na siyang nangunguna sa imbestigasyon ng Senado sa iligal na POGO hubs at umano’y kaugnayan dito ni Guo.