HALOS walang pinagbago ang bilang ng mga Pilipino na umaasang gaganda ang kalidad ng kanilang pamumuhay sa susunod na taon, noong ikatlong quarter.
Sa Sept. 14 to 23 survey ng Social Weather Stations (SWS), 47 percent ng 1,500 respondents ang naniniwala na giginhawa ang kanilang pamumuhay, halos kapareho sa 46 percent na naitala noong Hunyo.
Gaya rin sa nakalipas na survey, 5 percent ang nagsabing lalo silang maghihirap habang 40 percent ang naniniwalang walang magiging pagbabago sa kanilang pamumuhay.
Ang natitirang walong porsyento ng mga respondent ay walang ibinigay na sagot.
