Ligtas na naibalik sa kanyang mga magulang ang limang taong gulang na batang babae makaraang masagip ng mga pulis habang mag-isang pagala-gala sa Calbayog City.
Agad nagsagawa ng rescue operation ang mga otoridad matapos makatanggap ng report tungkol sa nawawalang bata mula sa Purok 2, Barangay Aguit-itan.
Sa pagtutulungan ng Women and Child Protection Desk personnel ng Calbayog City Police, mga kinatawan ng City Social Welfare and Development Office, at mga opisyal ng Barangay Aguit-itan, ay natunton ang lokasyon ng mga magulang ng bata at nagkaroon ng proper turnover.
