MANILA — Ha waray pa kahibabaru-i nga rason, ginpanmumusil ngan naawat an kinabuhi han usa nga Barangay Tanod nga residente han Jiabong, Samar didto ha bungto han San Jose de Buan kakulop han aga.
Ginkilala han mga Otoridad an Biktima nga usa nga Winefredo P. Dacles, 47 anyos, may asawa, ngan Barangay Tanod Ngan residente han Brgy. Catalina ha Bungto han Jiabong.
Ha inisyal nga report tikang han San Jose de Buan MPS, nakadto ha Bungto han San Jose de Buan an Biktima tungod nga bumisita ine han Iya Bugto.
Ngani kakulop han banda Alas Otso han aga, samtang an Biktima in nakadto ha sulod han Covered Court han Brgy. Cataydungan ha San Jose de Buan — gindaop ine hin usa nga waray hikilal-i nga Lalake ngan dayon la ine nga ginpusil hin halipot nga Klase hin Armas.
Tungod han kritikal nga Igo han Bala, dayon mga naawat an kinabuhi han biktima, ngan pumalagiw naman an waray hikilal-i pa nga Suspek.
An Barangay Cataydungan in nahimumutang ha 7 kilometros tikang ha Poblacion han Buan, ngani naaabot ine pinaagi hin Upat ka oras nga pagbaktas.
Padayon naman nga gin iimbistgaran han kapulisan an nasabi nga insidente.
(Rommel L. Rutor)
