ISANG bangkay ng babae na nakagapos at may balot ang mukha ang natagpuan ng mangingisda na palutang-lutang sa katubigan na sakop ng Brgy. 99-Diit sa Tacloban City.
Ayon sa Tacloban City Police Office iniulat sa kanila ng isang mangingisda ang pagkakadiskubre sa bangkay ng babae na walang saplot, nakagapos ang kamay at paa at may takip na itim na tela ang mukha na binalutan pa ng duct tape.
Nakitaan ito ng tattoo sa kanang bahagi ng kaniyang tiyan at sa kaniyang upper at lower back.
Sinabi ni Police Brigadier General Jay Cumigad, Regional Director of Police Regional Office 8, dinala na sa Regional Forensic Unit 8 ang bangkay para maisailalim sa otopsiya.
Umapela din ang pulisya sa mga residente sa lugar na makipagtulungan sa mga otoridad kung may alam silang impormasyon na makatutulong para makilala ang babae.
