BINABALANGKAS na ng Metropolitan Manila Development Authority (MMDA) ang Implementing Rules and Regulations (IRR) sa pagpapatupad ng ban sa electric vehicles, gaya ng E-bikes at E-trikes sa mga National Road.
Sinabi ni MMDA Chairman Romando Artes na simula sa Abril a-kinse ay epektibo na ang ban sa e-vehicles, subalit iku-konsidera pa rin nila ang iba pang mga suhestiyon.
Kapag ipinatupad na ang ban, ang mga violator ay pagmumultahin ng 2,500 pesos.
Posible ring ma-impound ang sasakyan kung walang maipi-prisintang lisensya ang nagmamaneho.
