Dumalo si Calbayog City Mayor Raymund “Monmon” Uy sa orientation at briefing sa demo farm tri-district sa Barangay Tabawan.
Ito’y upang ipakita ang kanyang suporta sa bagong livestock farming initiative sa lungsod.
Pangunahing layunin ng event na mailunsad ang stingless beekeeping project na idinisenyo upang mapagbuti ang kabuhayan ng mga lokal na residente.
Target ng naturang collaborative project na pinangunahan ng city government of Calbayog, Tri-District Urban Program, at City Veterinary Office, na mabuksan ang economic potential ng stingless beekeeping o “kiwot” beekeeping.
Sa ilalim ng “bee amazed, un-bee-lievable learning,” layunin ng programa na bigyan ng kaalaman ang mga lumahok tungkol sa praktikal na aspeto ng beekeeping.
