Atong Ang, Number 1 Most Wanted sa bansa ayon sa DILG; Red Notice laban sa negosyante, ihihirit ng pamahalaan

ITINUTURING nang Number 1 Most Wanted sa buong Pilipinas ang negosyanteng si Charlie Atong Ang.

Sa press briefing sinabi ni Department of the Interior and Local Government Sec. Jonvic Remulla akusado si Ang sa pagkawala at pagpanaw ng higit isandaang sabungero.

Ani Remulla mayroon nang patong na 10 million pesos sa ulo ni Ang.

Ang pondo para sa reward ay kukuhanin sa Budget ng DILG.

Binanggit din ng kalihim na itinuturing na mapanganib si Ang dahil armado ito at maraming bodyguards.

Samantala, hihilingin na ng pamahalaan sa Interpol na magpalabas ng Red Notice sa negosyanteng si Charlie Atong Ang.

Ayon kay Department of the Interior and Local Government Secretary Jonvic Remulla, wala pang impormasyon na nakalabas na ng bansa si Atong Ang.