LUMANTAD na si Julie “Dondon” Patidongan, alyas “Totoy” at idinawit ang negosyanteng si Charlie “Atong” Ang at aktres na si Gretchen Barretto, sa kaso ng mga nawawalang mga sabungero, at umano’y mga patay na.
Nagpakilala si Patidongan, bilang Chief of Security sa mga farm ng mga panabong na manok ni Ang, subalit nagsimula siya bilang bodyguard labinlimang taon na ang nakararaan.
Inihayag ni Patidongan na tinukoy niya sa kanyang sinumpaang salaysay sina Atong Ang, Eric Dela Rosa, at Celso Salazar, bilang mga nasa likod ng pagkawala ng mga sabungero.
Aniya, si Ang ang pinaka-mastermind at nag-uutos na patayin ang mga biktima.
Sinabi rin ni Patidongan na si Gretchen ang tinutukoy niyang aktres na may kinalaman din sa kaso.
Samantala, nakatakda umanong kasuhan ng kampo ni ang si Patidongan ngayong araw dahil sa mga alegasyon nito.
Nauna nang ibinunyag ni Patidongan na pinatay ang mga nawawalang sabungero at itinapon ang kanilang mga bangkay sa Taal Lake, sa Batangas.
