PINABULAANAN ng Filipino singer na si Arnel Pineda na sinentensyahan siya ng habang buhay na pagkabilanggo sa Amerika.
Kasunod ito ng paglabas ng isang video sa YouTube, kung saan sinasabing na-convict si Arnel sa San Francisco, California bunsod ng umano’y “Pattern of Predatory and Abusive Behavior.”
Sa kanyang Instagram account, nag-post ng video ang Pinoy singer habang ini-enjoy ang panonood ng paglubog ng araw sa Maynila.
Si Arnel ay ipinakilala bilang lead singer ng legendary band na Journey noong 2008, kapalit ni Steve Perry.
