Patuloy ang Filipino-American rapper na si Apl.de.ap ng Black Eyed Peas sa taunang tradisyon na kanyang ginagawa tuwing pasko, kasama ang kanyang ina na si Cristina, sa pagpa-pack ng mga donasyon sa kanyang hometown.
Sinabi ni Apl.de.ap, na palagi niyang ipinagdiriwang ang pasko sa Pampanga kung saan tumutulong silang mag-ina para magbalot ng mga aguinaldo para sa mga bata sa Sapang Bato.
Aniya, ginugugol nila ang pasko sa pamimigay ng regalo, simula ala siyete ng umaga hanggang ala singko ng hapon sa kanilang bahay.
Idinagdag ng Fil-Am rapper na tuwing kapaskuhan ay dumadalo rin siya sa simbang gabi at kumakain ng bibingka.
