Boto para sa conviction sa impeachment case laban kay VP Sara Duterte, posibleng ibaba na sa 14

MAAARING 14 na boto na lamang ng mga senator-judge ang kailangan upang ma-convict si Vice President Sara Duterte sa kanyang impeachment case.

Ito ay kasunod ng bagong ruling ng Senate Impeachment Court na ang magiging denominator o baseline ng two-thirds vote ay ang mga senador na legally at factually capable na lumahok sa mga pagdinig.

Bunsod ito ng desisyon ng Senate Impeachment Court na paboran ang apela ni Senator-Judge Erwin Tulfo na baguhin ang voting threshold para sa conviction sa impeachment case, sa botong 13-1, na may anim na hindi lumahok sa botohan.

Bumoto kontra sa apela ni Tulfo si Impeachment Court Presiding Officer Francis “Chiz” Escudero, na unang naglabas ng ruling na 16 na boto ang kailangan para sa conviction.

Hindi naman lumahok sa botohan ang ilang senador na hindi nakikibahagi sa impeachment proceedings.