Pinuri ni Speaker Ferdinand Martin Romualdez ang pagtutulungan sa pagitan ng Department of Science and Technology (DOST) at Atmos, Inc. sa paggawa ng AI-powered weather forecasting para sa buong bansa.
Bukod sa pagtulong upang maging disaster risk resilience ng Pilipinas, sinabi ni Romualdez na makatutulong din ito sa sektor ng agrikultura, maritime safety, paglinang ng imprastraktura, at turismo.
Ang nilagdaang memorandum of understanding sa pagitan ng DOST at Atmos ay iprenisinta kay Pangulong Ferdinand R. Marcos, Jr. sa Ritz Carlton Hotel sa San Francisco, California. Nasa Amerika ang Pangulo para sa Asia Pacific Economic Cooperation summit.
“This welcome initiative demonstrates President Marcos’ determination to address the evolving challenges of climate change through innovative solutions that empower our nation to adapt and thrive,” ayon kay Romualdez, lider ng mahigit 300 kongresista.
“It comes at a crucial time when the Philippines faces increasingly complex and unpredictable weather patterns. The AI-powered weather forecasting system will enhance our ability to predict and respond to weather-related events, ensuring the safety and well-being of our citizens,” saad pa ni Romualdez.
Sinabi ng House Speaker na ang Pilipinas ay isa sa pinakalantad bansa sa climate change at malimit daanan ng bagyo, pagbaha, at tagtuyot.
“By harnessing the power of AI in weather forecasting, we may be able to avert another tragedy such as the one wrought by supertyphoon Yolanda,” wika pa ni Romualdez, na kumakatawan sa unang distrito ng Leyte na lubhang napinsala ng manalasa ang bagyong Yolanda.
Ang Atmo Artificial Intelligence (AI) – enabled hardware ay mayroong software system na nag-aaral ng mga datos upang makapagbigay ng numerical weather prediction. Sinasabing mas mataas ang accuracy nito sa U.S. National Oceanic and Atmospheric Administration.
Magagamit din ang AI-weather forecasting sa power generation at distribution utility para maiwasan ang pagkakaroon ng brownout at matiyak ang sapat na suplay ng kuryente sa bansa, dagdag pa ng mambabatas. (Jack Adriano)
