SUSPENDIDO pa rin ang pasok sa mga paaralan at trabaho sa ilang lugar sa bansa dahil sa masamang panahon.
Batay ito sa Memorandum Circular No. 90 na nilagdaan ni Executive Sec. Lucas Bersamin, kasunod ng rekomendasyon ng National Disaster Risk Reduction and Management Council (NDRRMC).
Kabilang sa mga lugar na suspendido ang pasok ay ang Metro Manila, Pangasinan, Zambales, Tarlac, Bataan, Pampanga, Bulacan, Cavite, Batangas, Rizal, Occidental Mindoro, Ilocos Norte, Ilocos Sur, at La Union.
Gayundin, ang Quezon, Oriental Mindoro, Marinduque, Romblon, Masbate, Sorsogon, Albay, Camarines Sur, Catanduanes, Palawan, Antique, Aklan, Capiz, Iloilo, Guimaras, Abra, Mountain Province, Ifugao, Benguet, Nueva Vizcaya, Nueva Ecija, Laguna, at Negros Occidental.
